Dak sawang urubing dahana tansah mbulat
Ngupaya nylamur pangeling-eling ngegla ing dada
Sarimbit karo sliramu kang saiki datan ana
Saiki aku amung ijen dhewe tanpa kanca
Ing satengahe urip kang sepi nalangsa
Dhewekan, tanpa sliramu ing sisihku
Dhuh, larane rasa atiku
Aku mbok tinggal lunga
Panangisku ijen jroning sungkawa
Saptasa dina aku isih brangti
Ing sawalike lawang kamarku sepi
Kelingan prastawa endah tansah sesandingan sliramu
Lelakon kawuri bebarengan karo aku
Arep daksimpen jroning kalbu
Kekasih sutresnaku
Pocapan pepisahan kumecap ing lathiku
Muga-muga ngirid langkahmu ing papan katuju
(karya: Hefi Rahayu)
(Puisi: “Kekasih Terbaikku” pernah dimuat dalam koran Kedaulatan Rakyat Yogyakarta )
0 comments:
Post a Comment