BAUNGE ASU GEDHE
Baunge asu-asu gedhe iku ndadak pijer mancal pundhak
Tegel nyakar semut-semut kekitrang sing ngelak katresnan
Asu edan iku saben wektu tansah rebutan balong kopong
Balung-balung rucah kang ngganda bathang nduleg
Asu-asu gedhe iku wus adol panguwoso serik
Seng kabuntet iket sutra kembang jambe
Dhemen cecakaran adol gunem turah jegog
Sing ndelik ing walike seloka sandi
Asu-asu ajag iku pijer ngemut legining angka madu
Ngingis-ingis siyung ndhakuri slendang kawibawan
Pengen ndhudhahi pendheman lawas tanpa tilas
Nganti ngregeti pengadilan asu ngoyak asu
Asu-asu njegogi maling-maling asu alok asu
Asu ngawot-awot kertas asu adol lambe
Emboh tekan kapan pijer ngendelake baunge
Dicoppy: SUWARDI ENDRASWARA
0 comments:
Post a Comment